彭梓穎梁詠茜合體做餅女
模特兒彭梓穎（Cupid）閒時最愛下廚整蛋糕，偶然認識擅於製作蛋糕裝飾的梁詠茜（Lillian），二人一拍即合，打算在「整餅界」大展拳腳，開餅店做老闆！日前兩人孖住到手作市集擺檔試水溫，並售賣多款親手製作的蛋糕及甜品。
她們說：「因為我哋好鍾意整嘢食，尤其是甜品，Lillian負責整蛋糕decoration，Cupid就整芝士蛋糕嗰啲，我哋就諗如果可以crossover，效果應該唔錯！」二人笑言今次擺檔純粹為累積經驗：「我哋目標係開蛋糕店，因為想同朋友分享我哋整嘅嘢食。我哋第一次一齊整甜品，所以想試吓件事係點運作，同埋睇吓點改進。」