鄭欣宜準備大翻身 再攻樂壇

曾一度減肥成功、以fit爆形象震撼全城的歌手鄭欣宜，近日揚言要做回自己，不再減肥：「減唔減肥唔係最重要，最重要係做自己囉！」現已轉投新唱片公司成為關心妍師妹，欣宜說：「想以一個全新嘅形象露面，唔係外表，係歌路。依家我自己會想做啲開心嘅嘢，我係鍾意帶歡樂畀大家嘅！」在加拿大長大的她思想洋化，個性獨立，不過中國傳統的尊敬長輩的思想，始終根深柢固：「雖然我思想係好西化，但係我好尊重長輩，好尊重身邊嘅人！」

鍾情幽默成熟男

早前在內地節目《我不是明星》獲爸爸鄭少秋驚喜現身送抱，令欣宜非常感動：「好感動！爸爸係一個好忙嘅人！無諗到佢會嚟。」節目播出後，欣宜微博粉絲人數一夜之間爆升五萬，她坦言沒有預料，不過不會刻意進軍內地市場：「其實我依家做嘢都唔會set一個目標畀自己嘅，以前會，但係依家一切順其自然喇。我唔會話一定要開演唱會咁，當然我都想，但係希望係大家覺得值得嘅，而唔係可能畀人覺得得幾首歌又開演唱會嗰啲。」

轉投新唱片公司的欣宜希望以全新歌路再戰樂壇。

欣宜的內地節目獲爸爸鄭少秋驚喜撐場，大表感動。

歌星之路順其自然，而愛情方面，欣宜對於早前被拍得與潮男「蜜」會，只說：「呢啲好少講o架喇，如果我珍惜一樣嘢，我會想保護囉！」不過她大方分享擇偶條件，笑言怕悶的自己希望另一半思想成熟又幽默。

攝：劉斌

場地：海洋公園

文：專案組