愛女去露營 琦琦掛到眼濕濕

名模琦琦、馬詩慧和陳嘉容昨晚出席時裝設計師張路路新店開幕，琦琦透露女兒任晴佳參加學校露營，自己擔心至失眠，她說：「平時都會FaceTime傾偈，但學校唔畀帶電話，頭先同學生家長傾傾吓都眼濕濕！（第日點出國讀書？）唔同，佢依家得9歲仲細，要攀石、碼頭跳水，天氣仲要凍咗。老公叫我放心，雖然佢都有話瞓唔着，但我冇問原因呀！」
琦琦直言女兒任晴佳去露營，擔心至失眠。
琦琦直言女兒任晴佳去露營，擔心至失眠。

而馬詩慧表示最愛穿黑色服裝，容易搭配之餘又型格，問到老公王敏德喜歡哪種風格？她說：「着咩都鍾意，唔係點做我老公！佢鍾意我着得型，（性感呢？）性感係骨子裏，着得好暴露未必係性感，着得密實都可以性感。」

任晴佳
  • 任晴佳
馬詩慧透露老公鍾意其型格打扮。
  • 馬詩慧透露老公鍾意其型格打扮。