周汶錡信老公 唔check電話
名模周汶錡與法籍老公Julien婚後恩愛如昔，她自言不是港女，絕不會check對方行蹤，夫婦二人平日也少講電話，大部分時間以訊息溝通，對老公投信任一票。
前晚名模周汶錡（Kathy）及樂基兒（Gaile）一同出席活動，其中Kathy表示身邊也最少有兩部電話跟身，方便出差工作。記者笑問她可會奪命追魂call老公？她即說：「絕對唔會，我哋平日傳訊息多，如果我老公打畀我，一定係有大件事，例如車匙留咗喺車裏面，或者出差搵唔到護照呢啲蝦碌嘢，就會打嚟求救，佢最鍾意將啲嘢周圍放，又唔記得放咗喺邊？（你係佢半個秘書？）呢啲事上就係，但工作上就幫唔到佢。」談到時下港女愛check另一半行蹤？Kathy自信十足地說：「（如果唔信）唔會憑一個電話就信，就算我哋出trip都係傳訊息同傳相多，（咁好易出蠱惑喎？）乜咁諗o架，唔會啦，佢瞓覺前都會傳相畀我，佢好早瞓o架，我好清楚佢行蹤。」
樂基兒不愛自拍
而剛回復單身的Gaile就以性感黑色喱士透視裙子現身，她表示平日不愛自拍：「我唔知點解自己自拍得咁唔靚？同埋我依家都冇人send啦，影嚟做乜？」她指現時沒有玩任何社交網誌，因為不想將自己照片公諸同好。
文：名人組