羅仲謙改槍 飛虎出私伙

無綫藝員羅仲謙（謙仔）日前於將軍澳電視城為無綫劇集《飛虎II》宣傳造勢，在劇中飾演飛虎一員的他為了劇集除鍛煉操肌，保持健碩身形之餘，為追求真實感，謙仔更不惜親自為劇中道具槍加配裝備，他謂：「我喺支槍度加紅外線光管啦，加倍望遠鏡啦，就算依家嘅美軍都係用緊咁嘅儀器，我覺得咁可以令到我自己更加投入。」

愛打野戰

謙仔指在學習過程中主要向槍店老闆取經，更大讚店內每個都是專家級，問他砌槍可有難處？他笑謂：「難度又唔係好難，最緊要係品質，因為拍戲好多時候把槍會掟嚟掟去，支槍好容易散。」謙仔更笑言出私伙槍一舉兩得，希望在閒時可以相約友人打野戰：「最緊要係要打粉彈，因為中咗無得抵賴，有晒證據喺個身度！」

羅仲謙為劇集《飛虎II》中的道具槍加配裝備，令演出更投入。

愛研究槍械的羅仲謙，平日亦愛與友人打野戰。

恨落機舖

另一方面，童心未泯的謙仔亦非常懷念以前到遊戲機中心打機射喪屍，不過現時礙於身份而此情不再：「依家又好似唔係咁方便，咁打機梗係想盡興啦，但如果真係落機舖嘅話好似唔係咁好，（買遊戲機在家玩？）係囉，依家咁方便，同世界各地任何人打都得！」

文：影視組