藝人陳彥行亮相now TV 102觀星台節目《娛樂審死官》，憶述曾經被內地知名經理人睇中，要求發生關係以換取工作，她說：「個經理人約我去佢入住間酒店見面，上到房打開門，佢只着浴袍，言語間話我衣着過分保守，要改穿性感露腰衫，又暗示床已經準備，只要我陪瞓就有演出機會。最後我選擇離開，當晚佢打畀我，鬧我做人冷冰冰，點樣介紹啲導演畀我識！我聽完至明，原來服侍嘅唔只佢一個，連其他導演都要服侍埋，實在太恐怖，我情願放棄！」
