蔣志光 韋綺姍除夕獻sing袋六位數
年屆半百的蔣志光和韋綺姍（Rita）這對樂壇「神級拍檔」，憑電視劇《老表，你好hea！》人氣「翻叮」，Hit爆程度媲美近年韓星，連今年除夕倒數大日子有大型商場開出六位數酬勞請兩人「相逢」獻聲，可謂人憑劇貴。
在《老表》中演「高音哥」的蔣志光與「老婆」韋綺姍於劇中大開金口，唱出經典歌《相逢何必曾相識》，兼且「高音哥」再追加一個「燒衣版」後，即時熱爆全城，令一對20年前的神級拍檔頓時成為除夕倒數及商演活動的搶手貨，而近年因韓風厲害不少商場都向韓星招手，但今年阿蔣和韋綺姍的人氣強勁，據知今年鑽石山荷里活廣場的除夕倒數活動便請阿蔣和韋綺姍演出，一小時的演唱，每人唱兩首半歌，便穩袋六位數酬勞，與同場「女神」鍾嘉欣身價平起平坐。
工作排滿
據知要請阿蔣和韋綺姍一同登台並非容易，因阿蔣要返內地拍劇檔期緊密，今次成事全因商場花了兩星期向阿蔣誠意游說，最終阿蔣答應演出。至於昨日聯絡韋綺姍，講到人憑劇貴，商演接不停？韋綺姍承認是有不少：「係有好多人搵我同阿蔣出席商場同登台，但自己就鍾意喺舞台唱歌嗰種氣氛多啲。」她並表示當中邀請兩人演出不乏是除夕倒數及農曆新年演出都有，從十二月下旬到明年三月已排滿工作，她謂：「依家時代唔同咗，除咗香港同美加，仲多埋澳門可以演出。」
檔期難夾
不過，韋綺姍稱有部分因檔期問題，要與阿蔣各有各唱。講到除夕倒數穩袋六位數酬勞？韋綺姍笑謂：「香港稅制同外國唔同，都分咗啲交稅o架。不過突然多咗咁多演唱機會，覺得係個天畀我嘅Bonus，以前為咗家人同個女放棄事業，依家啲女長大，個天送番個獎勵畀我。」
文：音樂組