千嬅被老公靠害冇啖好食
【車綺敏澳門直擊】歌手楊千嬅昨日於澳門出席慈善晚宴，與丈夫丁子高當眾耍花槍，直指對方談及自己瘦到可被風吹起是「厚多士」。
歌手楊千嬅與丈夫丁子高昨日齊齊現身澳門，出席太陽城集團高爾夫球會一周年慈善晚宴，同場還有太陽娛樂文化老闆周焯華、黃柏高等。千嬅表示為慈善晚宴帶來一些小禮物，希望可籌得更多錢：「專登帶咗幾支限量版香檳過嚟拍賣，仲有刻埋我名o架。」隨後又透露因丈夫日前談及自己瘦到可被風吹起，即馬上開Turbo節食，還笑指對方很多事：「佢一下子推到我上高峰，我即刻唔敢食嘢，（咁瘦咗幾磅？）其實係有目標嘅，一直Keep Fit唔係為瘦，係要努力練氣，所以佢今次真係好多事，食咗『厚多士』！」
造人冇壓力
問到老公提議完成個唱後一起到只是睡覺的地方旅遊？她即愕然表示：「我啋過佢呀，佢諗住點，真係畀佢吹起，同埋都未必有時間去旅行，因為之後仲有電影上映。」對於「造人」計劃，她表示：「順其自然啦，呢啲係天畀嘅，有就開心，冇都唔會太大壓力，急唔嚟。」
囝囝懂呷醋
同場的丁子高則透露：「發表咗千嬅瘦到可畀風吹起之後就捱鬧，佢問我咁講係讚佢定彈佢，我話係擔心，自己過意唔去，因為我就係咁食好嘢，佢就食啲冇味嘢。」他及後又謂囝囝已懂得呷醋：「依家我攬住佢媽咪都會呷醋，會衝埋嚟我哋度，佢發現呢招唔work之後就去咗較高位置做危險動作，要我哋去抱佢，好狡猾。」