女新人丁悅昨日宣傳第一張個人專輯《19》，她自言是今年樂壇最後一個新人，問到11月才出碟會否輸蝕？她說：「唔會咁諗，我好信緣分，既然安排我搭到尾班車就會盡力。」她又自爆以前是個肥妹仔：「最重試過150磅，嗰時公司話簽我，心諗唔好講笑啦！之後無啦啦鍾意咗食麥皮，一個月瘦30磅，最輕試過90磅，不過呢排賀爾蒙失調，又去番103磅。」
