阮兆祥改詞玩鋒菲 拉姑喪笑
藝人阮兆祥前晚於伊館舉行棟篤笑《阮兆祥2014硬食博覽棟篤笑》尾場，獲黎瑞恩、拉姑與鬍鬚Kong、黃智賢、江美儀與男友、上山詩納等撐場。開場不久，祥仔於歌詞環節內唱出「鋒菲戀」世紀復合，將謝霆鋒的歌曲《非走不可》改成《菲咀不可》搞笑版本。台下的拉姑聽到拍爛手掌，唱到歌曲的最後一句「芝芝呷醋」時，暗寸張栢芝知道霆鋒與舊愛復合呷醋時，拉姑即雙手掩嘴，笑到見牙唔見眼！
陳百祥爆四哥大獲
至於尾場嘉賓，祥仔邀請到師傅陳百祥上台，當阿叻暗示自己對老婆黃杏秀一條心時，就立即拖拉姑落水，笑言拉姑都頂唔順謝賢！之後，阿叻就爆四哥大鑊，還搞笑指拉姑是爆料者：「淨係講謝賢都有排講！當拉姑放棄咗佢之後，到依家個女朋友，早排都有諗過結婚，但佢女朋友話叫謝賢去上海見佢阿婆，話佢阿婆係睇四哥啲戲大，四哥聽到之後『撻』咗喺度！」其後，阿叻更送了「五體投地」四個字給祥仔，更大讚祥仔：「係際遇唔好，好多老嘢喺前面頂住，如果唔係，紅咗好耐啦！」
拍拖生活習慣變好
接受後台訪問時，祥仔坦言首場非常緊張，但經過一輪熱身後，更形容尾場表現值A+。 問到祥仔是否真的每年都搞棟篤笑，他指如果有適合時間及場地都會做，並會計劃登上紅館舞台。
另狄波拉昨晚出席《譚詠麟笑唱人生40年》的錄影，透露兒子謝霆鋒早前煮一餐辣子雞給她吃。又指兒子以往煮西餐，現在改了煮中餐，問到是否受到王菲的影響，她則點頭沒有回答。狄波拉又指霆鋒近期早睡早起、戒掉打遊戲機和喝咖啡習慣，又肯叫醫生調理身體，她說：「依家我死得嘞，已經安樂晒。（受女友王菲影響？）邊個都好啦。」談到女兒謝婷婷分手一事，她說：「佢心情ok啦，咁大個女又咁忙。（介紹男仔畀佢？）唔好，你阿媽煲湯畀你都未必飲啦，仲話介紹男仔。」
文：音樂組