李佳芯愈衰格愈開心
藝員李佳芯、黃心穎、梁嘉琪、麥美恩與新加入主持張秀文及湯洛雯，昨日在將軍澳電視城出席節目《學是學非》記者會。眾人送上蛋糕為李佳芯預祝32歲生日，自言單身的李佳芯被問到可希望拍拖？她笑說：「依家唔諗感情事，唔想嘥時間，簽咗無綫就預咗賣身，工作為先。」
李佳芯在劇集《名門暗戰》扮演壞女人十分出位，她說：「自己都做好多呢類衰格角色，本來都驚影響形象，但《名門暗戰》出街後，觀眾都話我做得好衰，但又讚我做得好，呢啲衰角色發揮空間都好大。」而張秀文及湯洛雯首日為《學是學非》開工，但張秀文出師不利，開工即「拗柴」，她說：「拍跳起鏡頭時拗柴，可能真係年紀大機器壞。」