林峯1億簽英皇打開影帝路
林峯正式加盟英皇，並親認收一億賣身做親生仔。昨日的加盟記者會上請來六大導演坐鎮，英皇在未來將安排林峯在影壇搶灘，目標洗走「CHOK」氣，打造林峯成為新一代武打男星，「打」開影帝之門！而林峯亦指將會練大隻準備大展拳腳，積極為一億搏命，即使要全裸示人亦在所不辭，全面配合英皇的「裸你命一億」計劃！
本報早前獨家披露林峯以一億賣身英皇三年，昨晚英皇終於舉行記招宣布林峯加盟，老闆楊受成、天后容祖兒、一眾資深導演及音樂製作人均有出席。而古天樂、鄭伊健、楊千嬅、吳尊、周麗淇、吳君如、蔡卓妍等好友送上短片祝賀，唯獨林峯女友吳千語BB未有影蹤。
坐林寶堅尼出場
林峯坐在車牌為「EEG」的林寶堅尼辣跑出場，穿黑西裝的他Chok爆登場，英皇兩大高層吳雨及霍汶希上台恭賀林峯時，他親認以一億簽約英皇：「真係好多謝老闆楊受成先生，我咩都交晒畀佢，令自己呢一億簽得值！」
隨着林峯強勢加盟，「英皇四大天王」正式誕生，由謝霆鋒、林峯、古巨基及張敬軒帶領公司擴大版圖。正所謂一山不能藏二虎，更何況現有四天王，所以在分配資源方面，令吳雨及霍汶希相當頭痕。據內部消息指，公司將安排四天王兵分四路發展，貴為上市公司老闆的霆鋒會繼續專心打理自己的業務，基仔集中拓展大中華市場，軒仔則專注音樂。
新加盟的林峯獲安排繼續歌影視三棲，以電影作主打，所以記招請到袁和平、陳木勝、郭子健、莊文強、麥兆輝及岑建勳六大導演撐場，其中不少導演擅長武打戲，可見英皇誓要為林峯建立「打仔」形象，在影壇叱咤「峯」雲，而袁和平亦開口叫林峯練大隻備戰，為林峯奪影帝鋪路。
渴望走入大銀幕
受訪期間，林峯被問為何女友缺席？他說：「工作嘛，係分開嘅。其實今日開心又緊張，尋晚緊張到『落枕』。」他坦言要為加盟價一億而搏命，談到有傳在吳君如新戲中飾演「鴨王」，他說：「有聽過傾緊呢個計劃，但聽得最多都係傳媒講。其實我對大銀幕都渴咗好耐。（問准千語？）工作唔會過問。」
林峯續說為電影可豁出去，問可介意全裸示人？他說：「睇吓係咩片，有文藝氣息嘅可以考慮。（袁和平叫你操大隻？）自問我都唔難練大隻嘅！」
文：音樂組