Chilam重金落袋 搵交嚟嗌
歌手張智霖前晚出席時裝品牌活動，對於早前被本報率先披露與太太袁詠儀受逾3000萬元重金禮聘拍攝內地真人騷的提問，他神秘表示是商業秘密，又預告將在節目中跟靚靚真情流露，親證鬧交是伴侶的家常便飯。
去年淡出時尚界的國際著名設計師Ann Demeulemeester，現主力創作新書，前晚親自來港為新書宣傳，張智霖（Chilam）專程捧場，還獲對方贈書及簽名。問Chilam與太太袁詠儀（靚靚）是否受逾3000萬元重金禮聘拍攝內地真人騷？他神秘表示：「唔係堅嘅，做嘢咋，呢個工作係會做，但錢就唔好講啦，商業秘密嚟，不過我哋真係好少一齊做嘢，今次係寓工作於娛樂吸引到我。」
將飛韓國拍攝
Chilam續透露真人騷節目會真情流露，向大家展示夫妻之間相處的時光：「想講畀大家知係伴侶都會鬧交啦，所以我哋都會鬧交。」又謂節目將需要飛往韓國四至五次進行拍攝：「每次去三至四日，其實我未去過韓國，所以好期待，（囝囝一齊去？）佢要返學，大家都好忙，呢排少咗家庭生活。」
葉念琛冇不和
問到近日盛傳不滿《十月初五的月光》電影版劇本而與導演葉念琛不和？Chilam馬上解說：「冇不和，我個人點會同人不和？絕對冇咁嘅事，我覺得個劇本好感動，我係有畀意見佢個劇本，因為冇人比我更熟悉初哥哥係一個咩人，所以佢都好重視我嘅意見。」還透露自己與葉念琛的相處方式已是熟不拘禮：「可能就係太熟，大家見到我哋唔係相敬如賓，所以有所誤會，（咁你有改劇本？）唔係改，係畀意見啫，我覺得片場唔應該有暴君，演員應該要以導演諗法為依歸，呢個演員修養我係識嘅。」
文：名人組