黎耀祥明年幫「如楠戀」開花結果
每年無綫台慶都將藝人的戀情擺上枱，今年被踢爆戀情的蕭正楠與黃翠如亦無一幸免。台慶表演環節中，劇集《名門暗戰》其中一幕講述蔡思貝與蕭正楠在拳館的談情戲，但換上了蕭正楠與曹永廉，蕭正楠更男扮女裝演蔡思貝，旋即引來現場大笑，曹永廉搞笑地稱：「我似翠如BB多啲！」又作狀錫蕭正楠，主持人錢嘉樂即大叫：「你要問吓翠如先！」
對於王祖藍於台慶大日子向李亞男求婚，黎耀祥坦言事前不知：「咁咪好囉！第時台慶又係台慶，又係佢求婚紀念日，祖藍喺Live面前求婚，真係好大膽，我就唔敢嘞。」在旁的曹永廉笑謂：「你睇吓蕭正楠敢唔敢！」祥仔即說：「得啦！我哋出年幫佢搞。」
