陳凱琳台慶做司儀學叻哥爆肚

無綫台慶大會司儀汪明荃、曾志偉、「阿叻」陳百祥、錢嘉樂、梁烈唯、陳凱琳等昨日為節目拜神，兩隊隊長志偉與阿叻即場挑選隊員今晚進行對決。兩位台慶司儀新人梁烈唯與陳凱琳皆表示現場騷不同拍劇與做主持可以NG，故心情感到緊張，唯唯擔心轉數不夠快未能應對志偉、阿叻「爆肚」，陳凱琳則希望跟眾前輩學「爆肚」。

梁烈唯改名抑鬱

梁烈唯的名字近期改完又改，他說：「改咗「維」字一個月，覺得自己情緒波動、好唔開心，都驚自己有抑鬱症，咁啱有個師傅同我講「維」呢個字啱女仔，仲會令我唔開心，仲話有機會變基，所以都係用番「唯」。」

曾志偉率眾人為台慶拜神，場面熱鬧。	阿叻與陳凱琳等於現場大玩遊戲搞氣氛。	最近再改名的梁烈唯，將孖陳凱琳做台慶司儀。

志偉痛心港撕裂

志偉講到香港電視開台硬撼無綫台慶說：「香港經過咗呢五十幾日（指普選爭議），大家要團結，經濟係差咗，希望大家多啲消費，Unfriend咗就Like番，香港人幫番香港人，大家要自救。」志偉續說：「最痛心係見到大家撕裂，現在大家想為香港爭取明天嘅嘢，不及今日失去嘅多，最重要引起咁多人不滿，我哋行業都引起對罵，以前係好朋友、帶過佢出身……（指王晶與杜汶澤、黃秋生罵戰），咁又何必呢，大家要尊重每人意見，豁達啲、包容啲，所以你問我贏唔贏港視已經唔重要，咁多人買機頂盒咪去睇囉，最緊行業興盛多啲人睇電視。（做和事老？）等件事平息咗，希望大事化小，只要我有能力都想大家走番埋一齊。」志偉不信有黑名單封殺藝人北上工作，也認為學生訴求已被聽到，是時候回家。

文：影視組