安仔Hea爭視帝 露肉只益老婆

郭晉安昨與太太歐倩怡出席家居中心揭幕禮，兩人表示平日多以「夫妻檔」出席慈善活動，又謂打算12月開始為家居裝修。提到台慶劇《老表，你好hea！》反應熱烈，安仔有望再爭視帝，他表示以平常心對待，又希望觀眾齊齊投票。

長毛look似張國榮

歐倩怡對老公很有信心：「朋友傳短訊叫我幫手讚老公，又話邊場感動邊場有突破，有電影導演專登打嚟讚老公勁。」提到張繼聰及阿Bob於劇中相繼露肉，可覺老公未有騷肌而失色？安仔即搶答：「我淨係露畀佢睇！」

對於老公的「長毛look」，歐倩怡說：「家人話似哥哥張國榮。」安仔則說：「個仔話見唔到我，佢問爸爸有拍咩？因為我個樣淨係見得少少，好似貞子。」他又爆太太近日為校園片客串：「佢仲拍到校園片好難得。」但歐倩怡否認演學生。同場的陳嘉寶大騷美腿與吳嘉熙齊表演椅子舞。

文：影視組