李嘉欣下廚 囝囝冇面畀
大美人李嘉欣昨晚穿上黑藍色晚裝出席活動，她透露近日忙於為兒子的慈善基金搞活動，即將會到四川探望熊貓，幫助內地小朋友。至於聖誕節就計劃與親友及兒子一起滑雪，雖然仔仔即將首次滑雪，但卻不大興奮：「我同佢試着滑雪裝備，佢即刻話唔鍾意，又話唔會戴頭盔。」
提到嘉欣早前在微博大晒下廚照，她笑言：「咁間中煮一次梗係影吓啦，其實我都好慚愧，冇乜機會一展廚藝，（會唔會煮營養餐畀囝囝？）有，但係佢冇乜興趣，話唔好食，因為佢鍾意食零食。」至於早前身體有毛病的嘉欣謂現在有做運動，感覺良好，但每當要做檢查前仍然會很擔心。