成龍斥祖名天真幼稚 知道實打死佢！
兒子房祖名因涉毒事件至今仍被拘留，成龍暫忘傷痛寄情事業以「轉移視線」，近日回港拍戲的他，前晚拍外景時接受獨家專訪談祖名，成龍愛之深責之切，直斥祖名「naive」及貪玩，並直言不知兒子有惡習，還說：「如果知實打死佢！」但揚言經此一役，會有個全新的祖名！提到愛妻林鳳嬌，成龍指她至今仍唔肯見人。
房祖名於北京涉毒被拘留近三個月，事發初期成龍為救愛兒，忙於奔波了解事件，惟最終仍未能成功與祖名見面，成龍只好無奈地「忘卻傷痛」，重返生活正軌，繼續在埋首拍片。
前晚成龍忽然現身九龍城開夜班拍戲，原來他偕同范冰冰、古巨基拍攝荷里活製作新片《絕地逃亡》，由於現場有攝製隊，還大陣仗的出動吊雞車展開拍攝，相當熱鬧。
「新嘅祖名返出嚟」
現場所見，精神飽滿的成龍心情不錯，身體明顯較前胖了一點。前晚所拍的劇情交代成龍潦倒街頭，被基仔所駕的辣跑濺起污水，搞到周身濕，試戲時成龍不停與工作人員溝通，又教基仔如何駕車走位。面對記者在場追訪，成龍亦從容不迫，問及祖名的涉毒事件時，成龍回應說：「真係冇見過佢。（幾時開審？）呢個都唔知，亦唔到我理……佢咁大個人嘞。（知唔知祖名有惡習？）唔知，佢媽咪（林鳳嬌）都唔知，知道我實打死佢！佢唔係毒君子，只係貪玩，naive（天真）！佢以為冇事，點知出事囉。」
成龍不諱言以往為着投入拍戲，與祖名聚少離多，他深信兒子今次被捕，對兒子反而會有積極作用，問到日後見到祖名，第一句說話會是甚麼？成龍嘆氣說：「唔使講乜，（被拘留）咁仲好，我相信會有一個全新嘅祖名返番出嚟，係好事嚟嘅，佢會長大嘞，初頭見唔到佢我係有啲唔習慣。（傳言話祖名主演嘅電影，全部要cut晒佢嘅戲份喎。）唔好信網絡寫嘅嘢，太多謠言嘞。（你心情點？）OK，做好自己嘢先。」
「點都要接受o架啦」
談到太太林鳳嬌目前的心情時，成龍再度嘆氣說：「我都係啱啱返到香港……（話佢經常以淚洗面喎。）佢唔係好想見人，但點都要接受o架啦。」
說到今次《絕》片來港取景，原來全因成龍拉攏，台前幕後浩浩蕩蕩來港開工，會逗留約莫一個月，而日內更會拉隊到水鄉大澳取景，成龍說：「我同工作人員講，話香港政府好支持電影業嘅，叫佢哋一定要嚟，遲啲我哋都會去埋澳門。」今次成龍更碌盡人情咭，前晚獲友人借出約400萬名車當道具協助拍攝之用。
文：影視組
攝：攝影組、追蹤組