利蘊珍捱33個鐘 共創健力士
「運動燃希望基金」創辦人及主席利蘊珍（Marie）舉辦的一連兩日網球比賽慈善籌款已於昨日圓滿結束，她表示暫未統計到善款數字，但希望可用善款幫助有需要的小朋友發展運動才能。
她續興奮透露代表基金出戰的法籍職業網球員J.利干迪（Jerome Lacorte）已創下新健力士世界紀錄「網球單打最多連續打對手」：「由尋日朝早七點打到依家，打咗成33個鐘冇停過，（你一直喺度？）係呀，幫佢打氣，三十幾個鐘冇瞓過，頭先都有落場同佢打咗一個鐘。」而利干迪則為打破紀錄感高興：「但凌晨2時至5時就感到最困難，因為冇力跑同右手有拉傷現象。」