胡定欣甩拖：聖誕喺廠過

藝人胡定欣及翟威廉昨日到紅磡出席「置富Malls x 樂天熊仔聖誕遊世界啟動禮」，甩拖定欣被問與男友沈栢淳分手後，聖誕計劃如何度過，她說：「聖誕應該會喺廠過，因為拍緊新劇！（約前度食飯交換禮物？）唔知道，佢工作都好忙。（有機會復合？）唔知，睇緣分。但我想講，有指佢偷食激嬲我，所以分手，唔係事實囉，我唔想見到報道講佢唔好，其實佢對我非常好，我都曾經視佢為結婚對象。（對你好又分手？）唔知點講。」