胡定欣甩有米男友強顏歡笑

胡定欣、黎耀祥及蕭正楠等無綫劇《名門暗戰》演員，昨日到鑽石山荷里活廣場，出席「《名門暗戰》之職場大鬥法」活動。定欣與眾演員玩遊戲時，非常投入，更獲現場觀眾投票選為「我最喜愛女同事」，不過原來定欣剛與拍拖兩年多的有米廣告界男友沈栢淳甩拖！

拒交代原因

定欣受訪時承認「分」訊：「係分開咗，但原因唔想喺傳媒面前交代，感情事好難用三言兩語形容，唔係一句『性格不合』就形容到個關係，始終係兩個人嘅事，兩個人相愛，認真拍拖，我哋知道就可以。（有傳你哋已到談婚論嫁階段？）報道咁講啫，一路冇咁打算。（分手可惜？）會，一齊兩年幾，分開係有少少唔開心，不過OK，我哋仍然係朋友。」

早前定欣才被拍得與男友拍拖到大坑。（資料圖片）	定欣（左）與陳凱琳玩遊戲時笑面迎人。	放大圖片

定欣續說：「我啱啱開始拍新劇《鬼同你OT》，依家收拾心情專心工作。（好姊妹胡杏兒、黃智雯有冇安慰你？）我唔開心，佢哋一定陪我。（叫佢哋介紹男仔？）唔會，要休息吓，畀心機做嘢先！」

蕭正楠（左）與蔡思貝甚有默契。	蔡思貝	黃浩然表情十足，陳智燊則一臉認真。

蕭正楠偷食

蕭正楠則被問女友黃翠如有否欣賞他與蔡思貝的咀戲，他說：「唔敢問，希望佢咁啱冇睇。（要同女友備案？）大家都係演員，明白係拍戲需要。（佢拍咀戲你都照睇？）未必，費事睇完心火盛。（戲中同蔡思貝酒後亂性，你同翠如多唔多飲酒？）我哋食飯可能飲少少，佢都唔飲得。」另外，同場的陳凱琳與蔡思貝玩遊戲時忘形走光。

文：影視組