洪卓立憶婆婆落淚 湯怡呵番
歌手洪卓立（Ken）、馮允謙、女子組合Super Girls、陳嘉寶、蔡穎恩等，前晚現身香港大會堂為音樂劇舉行首場演出，獲一眾藝人，包括湯怡、陳家樂、鍾舒漫、天堂鳥、Robynn & Kendy等撐場。
受訪時，Ken指首次演出舞台劇大為緊張，雖然喉嚨正在發炎，但感覺大家正式演出都比排練好，可惜到最後都感觸流下男兒淚：「最尾嗰part諗起婆婆，忍唔住喊！」而女友湯怡就表示見到男友喊，自己都眼濕濕，又大讚男友勤力：「佢都好大壓力，辛苦咗兩個幾月。（畀幾多分男朋友？）100分啦！」
驚陳嘉寶男友呷醋
其後，提到Ken與陳嘉寶的咀嘴戲，問到湯怡可有呷醋時，她笑言：「好正常，我同Anjay（陳嘉寶）都識，我反而驚佢男朋友會呷醋多啲！」Ken表示等音樂劇演出完畢後會跟女友去旅行散心：「未諗去邊，離開香港先啦！精神上好辛苦，做完一場已經好攰，就算去長洲都殺！但十二月又開戲，最緊要減肥先！」
此外，Super Girls都表示非常緊張，Cheronna就自爆自己彈結他時甩拍子，Heidi就突然腦海空白，五女坦言有進步的空間。而隊長Aka就穿性感芭蕾舞衣跳舞，但因為舞技生疏，所以只粗略轉了兩個圈。
另外，馮允謙因第一個出場而感到緊張，更初次挑戰演戲及跳舞的滋味，不懂看中文的他表示背台詞困難，所以要繼續努力。問到演出時可有失手？他笑言：「狀態都OK，但彈結他都有甩拍子，緊張到手都冰埋！」
文：音樂組