阿刨情不字禁感動戲迷

阿刨演出再昇華，遇到鬼魂麗娘時她七情上面，非常吸引。

名伶龍劍笙（阿刨）前晚於文化中心，演出由新娛國際製作，紀念任劍輝女士逝世二十五周年的《任藝笙輝念濃情》折子戲，阿刨難得再次在香港開鑼鼓，吸引萬千戲迷捧場，阿刨好拍檔梅雪詩（阿嗲）亦專誠到場欣賞。大會在正式演出前，特別安排專人在台上朗讀阿刨親撰的《給任姐天國的家書》（詳見另文），提到任姐總會不辭勞苦，抽空前往看雛鳳鳴演出，「直至1989年11月29日……」即任姐魂歸天國之日，教人黯然神傷。

「好開心」掛口邊

之後阿刨與兩位愛徒鄭雅琪、李沛妍，以及任姐妹妹任冰兒、阮兆輝、黎耀威、詹浩鋒等，演出《牡丹亭驚夢》及《紫釵記》等折子戲，現場觀眾拍掌叫好，當阿刨謝幕之際，觀眾紛紛站立拍掌，不忍離場，阿刨亦被觀眾的熱情感動，返到後台仍不斷說：「好開心，好開心！」阿嗲大讚演出精湛： 「表演好好啊！（有同阿刨敍舊？）已經見過兩、三次喇！（有畀意見兩個花旦？）唔使，兩個花旦都係菩生姐（龍劍笙）親自教出嚟，當然好！佢哋都係同我哋用同一樣嘅方式去學，做得好好！」

（左）李沛妍

阿刨與親教出來的兩位花旦在台上一唱一和，默契十足。

新娛國際負責人丘亞葵對首場演出表示：「刨姐演出原本已經好專業、好優秀，今次又昇華咗！演出《牡丹亭驚夢─幽媾》，佢遇到鬼魂麗娘嘅表情，非常吸引！有戲班師傅對鄭雅琪盪韆鞦嘅模擬動作好驚喜，因為現場根本冇韆鞦，演員以動作模擬入戲，畀到觀眾想像空間。另一想像空間係開場時螢幕飛出嚟嘅蝴蝶，到完場再播出多張任姐照片，蝴蝶又飛出嚟，蝴蝶係連貫每個畫面？定係任姐嘅化身？就留畀觀眾自己領會！」

文：影視組