王菀之人格分裂 聲戰蔣志光

王菀之外表斯文，連說話也陰聲細氣，但去年拍劇集《老表，你好嘢！》時來個突破演搞笑角色，結果大獲好評，早前Ivana參與續集《老表，你好hea!》繼續豁出去，演牙擦擦、似足江湖中人又恨入娛圈恨到出面的港女。

心情沉重變雀躍

Ivana指今次的主要對手，並不是王祖藍與張繼聰，反而是蔣志光與李家鼎，她說：「蔣志光演我嘅歌唱老師，佢又喺殯儀館工作，最好笑一幕係佢為咗挑戰我膽量，要我喺殯儀館唱歌，結果班家屬用紙祭品『招呼』我！」

蔣志光和王菀之在《老表》擦出不少火花。	王菀之綵排個唱時的心情與拍劇截然不同。（資料圖片）	外表斯文的王菀之原來有搞笑潛質。

不過，Ivana拍攝時有苦自己知：「拍攝期間，有兩星期同我綵排演唱會撞期，嗰段時間好辛苦，因為排演唱會好認真，心情比較沉重，返到劇組就要變得好開心同雀躍，但始終調節唔到。」最後劇組體諒Ivana，讓她在綵排個唱期間不用拍攝。

與張繼聰演情侶的Ivana，爆料指阿聰是一廂情願騷肌：「我唔知監製有冇要求佢除衫晒肌，劇組有叫我哋盡拍，但盡成點就得佢知。阿聰就算唔使拍攝都樂於除衫，佢根本熱愛晒肌！」

預告錫錫張繼聰

問兩人有否親熱鏡頭？Ivana直認二人有親吻：「我肯喺電視機前錫錫已經係好大勇氣，點會激？」她笑謂導演拍攝親吻戲時拍到不肯停機：「唔知導演係咪同阿聰夾埋！」

文：影視組