車車冇仔吼變厲鬼

藝人張紫櫻(車車)早前獲邀參與內地求偶電視節目《非常完美》,期間識了幾位「有心人」,她說:「上節目時自製咗蝴蝶酥做見面禮物送畀現場男士,點知都冇男士肯同我『牽手』,反而有幾個參加節目嘅女仔話鍾意我,好喜歡我嘅性格,冇愛情有友情,都算意外收穫。」

車車愛情交白卷,早前就趁萬聖節扮鬼與友人癲番晚,她說:「啲朋友話『人總要黐一次!』於是買齊道具,化咗成個鐘頭妝,搞到自己好詭異,仲要阿媽都唔認得!(伯母有咩評語?)佢話我『可愛』,激死!」