周汶錡裸晒獎老公冇符

名模周汶錡（Kathy）、「宇宙最強」甄子丹、林峯、李心潔、楊采妮、張天愛女兒邢嘉倩、陳漫等，昨晚以得獎身份出席《十大「時裝．視野」頒獎典禮》。真空上陣的Kathy極度性感，問到可有着內褲打底？她說：「當然有，其實另一面好密實。（點打底？）好易啫，但依家點講你知？（問准老公？）出門口前，佢問『你真係要咁着？』Fashion係我工作，而且第一次得獎好開心。」任模特兒多年的她，被問到現在才得獎會否太遲？她認為穿衣需要經驗：「我覺得依家對時裝嘅認知比以前更有自信。」Kathy又自言向來穿衣不烏歪，不會因此有壓力。

子丹風度穩贏

同樣首次得獎的甄子丹坦言感榮幸：「啲人唔止覺得我打得，仲好睇得！（着衫太太有冇畀意見？）冇，不過同太太心有靈犀，我話佢抄我，佢又話我抄佢！」雖然太太汪詩詩比他高，但子丹坦言高度不重要，最重要是自信和風度：「有次啱啱起身就畀人影，不過最緊要係個態度，有自信就冇問題。」他又常為子女裝身，享受親子樂趣。

而林峯則指想跟同場攝影師陳漫合作，問到將來會否邀對方影婚紗照？他說：「未諗咁遠，唔需要太耐。（準備結婚？）唔係，係距離合作唔太耐。」他又為女友吳千語的衣着品味護航：「絕對唔係拜金，佢好努力做嘢。」而女星楊采妮雖與李心潔老友鬼鬼，但原來兩姊妹從未試過一齊shopping，采妮說：「我哋只係心靈上溝通！」在旁的心潔則透露上次見對方已是台灣歌手許茹芸的婚禮。

文：名人組