黃芷晴幫小丸子玩cosplay
熱愛設計的藝人黃芷晴（Adrian），早前獲委以重任為卡通人物小丸子及其同學設計聖誕cosplay派對造型及小丸子產品，令她十分興奮！希望在幕前及設計工作同樣兼顧的Adrian，將在十二月拍攝內地劇集，實行雙線發展！
藝人黃日華的女兒黃芷晴，一向熱愛設計工作，除在網上成立自家品牌外，近日更被邀擔任設計師，為日本卡通人物小丸子及其朋友設計聖誕cosplay派對，自言睇小丸子卡通片大的Adrian，表示十分開心能夠擔任設計師，並對野口同學特別鍾情，她說：「好鍾意睇小丸子嘅人物性格，最鍾意係野口同學，似悲情角色咁，出嚟好似有陣冷風吹過，佢啲奸笑都好好笑。」
花輪啤牌look
問到Adrian今次為何會與小丸子有合作機會？她說：「佢哋都想搵一個香港嘅設計師幫佢哋設計人物，咁我本身都係讀設計，之後有朋友問我，想唔想參加，我聽到即二話不說答想。（最鍾意邊個造型？）最鍾意花輪呢個啤牌造型，本身好鍾意啤牌嘅嘢，覺得JQK好型，襯番花輪呢個貴族性格。」
而Adrian除設計造型外，又為小丸子設計產品，實行將大學時期的設計知識學以致用。她又謂除忙於設計工作外，十二月會返內地拍劇：「係一部時裝劇，自己都一段時間冇拍劇，都想pick up番。」
文：專案組