張繼聰自嘲廢柴 操肌食軟飯

張繼聰在無綫劇《老表，你好hea！》中用胸肌大放笑彈，但為完美演繹大隻軟飯王的角色，他不惜以九個月時間每日練足三個鐘：「呢身肌肉係我嘅戲服！其實呢件事好變態，好辛苦咁練但係拎嚟笑！」他又指與韓馬利的「感情線」是戲肉：「簡直係軟飯王之路！」

阿Bob小寶最激

問劇中軟飯王概念是否自己構思？阿聰坦言是監製和王祖藍的搞作：「早幾年成日畀人笑，我自己就放開咗。既然咁多讀者一廂情願相信，但滿足唔到佢哋個想像，呢次就畀個機會佢哋。（你話謝安琪個老公係廢柴！）呢個我自己加，玩自己冇所謂，我仲勁講添！」

阿Bob與小寶的親熱戲被張繼聰指是全劇最激。

張繼聰於劇中與王菀之談情，更大爆最終會有咀戲。

劇中阿聰與王菀之有感情瓜葛之餘，亦在娛樂圈鬥得你死我活，但阿聰大爆最終會與王菀之有咀嘴戲，問是否咀得激情？他謂：「唔激，肯定最激都係阿Bob同小寶嘅咀戲。（同老婆交代？）都冇交代，佢都有做戲，佢都明演員係做乜。」

《老》劇開播後收視一直不俗，他就指拍攝時已經好感動：「我哋好齊心，當然最辛苦係祖藍，咁辛苦都係想將歡笑帶畀觀眾，雖然咁講好老套，但係係真嘅。」

文：影視組