李思欣食住上 進身女強人
李思欣瓣數多多，投資珠寶生意之餘又搞高檔飲食，最近她再擲50萬入股茶餐廳，希望打入平民餐廳市場，進軍飲食女強人之路。
前無綫藝人李思欣與丈夫范振鋒結婚後，經老公教導學做生意，兩公婆與友人合資搞飲食生意，開完日式餐廳後又開火鍋店，又獲老公打本搞網上珠寶生意，認真多瓣數。最近思欣再與老公投資50萬元，入股荃灣保齡球場茶餐廳。她說：「呢度好似一個娛樂城咁，有得打保齡、擲飛標、按摩同食飯，依家好少地方可以做到咁，所以決定投資。」
開心演舞台劇
思欣透露，因合作夥伴覺得他們有搞飲食生意經驗，而且在兩公婆管理下生意節節上升，因此放心給他們打理。她謂：「我哋以前做日本料理、火鍋店，走嘅路線都比較高級，價錢上會高少少，今次就搞平民啲嘅茶餐廳，走平價得嚟又有水準嘅家常小菜。」
離開無綫後，思欣工作量不跌反升，除了與老公拍住上做婚禮司儀外，年尾又拍微電影及演出舞台劇。演藝學院畢業的她，原來出道以來未演過舞台劇，笑言今次是「做番老本行」。她說：「今次仲有江美儀、伍詠薇，雖然排舞台劇係要花好多時間，但呢種經驗唔係成日都有。」
場地：奇樂保齡天地
文：影視組