苟姑娘維維床戲過激被Cut

無綫劇集《飛虎Ⅱ》演員鍾嘉欣、馬德鐘、苟芸慧、梁烈維、羅仲謙與黃智雯昨日到尖沙咀一間健身中心進行體能特訓為劇集宣傳。維維自爆戲中與苟芸慧有激烈床戲，還拍了多個版本，他笑說：「但係最激嗰個版本唔出得街，激到過唔到電視尺度，其實唔係色情，詳情唔講得會穿咗結果。出街版本都有攬，同埋錫苟姑娘額頭。」

想陳嘉寶做女友

苟姑娘表示拍床戲對維維十分信任，她笑說：「我交晒畀佢，好放心，同埋幫維維老婆睇實佢。」維維與苟姑娘也希望能開第三集及電影版，但兩人卻「嫌棄」對方，希望不要再做一對，維維笑說：「我都想試吓其他人，希望係陳嘉寶，佢好似我初戀女友。」苟姑娘也希望拍檔換上許家傑。

鍾嘉欣為馬德鐘量度上圍，忍唔住笑。

羅仲謙與黃智雯玩遊戲好合拍。

謙謙咀戲要武指

《飛虎Ⅱ》火辣場面多多，羅仲謙與黃智雯也有激情戲，除了挑戰他們的尺度外，還要武指指導，黃智雯笑說：「有啲似巴黎鐵塔反轉再反轉，又打架、又親熱。」羅仲謙最近被發現買了新跑車，他表示是送給自己的生日禮物，但首位女乘客卻是媽媽，而不是女友楊怡，他稱孝順是應該，不擔心楊怡會嬲，除了買跑車當然也有儲老婆本。

鍾嘉欣透露劇中有場與馬德鐘被困大雪櫃攬到實一實的親密戲，但一拍三、四個鐘，拍到腳痹，嘉欣也聽聞《飛虎》有意開電影版，若成事希望自己有份。

採訪：影視組