龍劍笙文化中心開鑼 馬浚偉後台集郵
粵劇名伶龍劍笙昨晚在港再開鑼鼓，不少嘉賓汪明荃夫婦、名伶尹飛燕等前來捧場，由於一票難求，求得一票的馬浚偉直言要到後台「集郵」！阿刨今次演出，為向逝世25周年的恩師任劍輝致敬懷念！尊師重道的她更在場刊撰寫《給任姐天國的家書》，細數任姐生前點滴及教導之恩。
名伶龍劍笙（阿刨）昨晚於文化中心演出由新娛國際主辦的《任藝笙輝念濃情》折子戲，紀念恩師任劍輝逝世25周年，老闆丘亞葵在場內忙於打點，吸引了汪明荃、羅家英、馬浚偉、張德蘭夫婦、名伶尹飛燕、劉惠鳴等均有到場欣賞，惟未見阿刨師傅白雪仙蹤影，陳百祥及黃杏秀、顧嘉煇、關菊英等送上花籃打氣。
見刨姐如中六合彩
馬浚偉大嘆一票難求，他說：「刨姐開鑼，我一定要嚟，好珍惜呢個機會睇刨姐演出，機會難逢！應該再加場，因為有太多人想睇刨姐，我都係問主辦單位留到一張票咋，真係一票難求！陣間我想入後台『集郵』，刨姐係必集o架！（你想偷師？）冇人偷到佢師。我對上一次見刨姐係喺加拿大，嗰次我聽到同事約咗佢飲茶，我感覺好似中六合彩咁，即刻掹衫尾跟埋去。我知刨姐喺場刊寫咗封信畀任姐，我會仔細閱讀。」
羅家英重裝備防寒
健步如飛的羅家英拖着汪明荃現身，家英穿上冷帽、冷巾、厚外套，表示不想「凍親」，被家英拖着的汪阿姐恍如小鳥依人，兩人趕着入場欣賞阿刨精湛演出，婉拒訪問。
文：影視組