伍靜麗再戰天橋 港英兩邊飛

名模Angie（伍靜麗）早年已踏足英國時裝舞台，及後來港發展便愛上香港，還認識現任男友，決意留下。如今，她決定再戰英國時裝舞台，早前獨自上路，她坦言心情既興奮又緊張：「9月喺倫敦時裝周，好耐冇行，我覺得自己逐漸成長，如果依家唔行番，唔通老咗先去行咩！時間有限，機會亦唔等人，所以我唔再猶豫，想做就做。」
Angie無論內外都好好裝備自己，再度迎戰英國時裝舞台。
Angie無論內外都好好裝備自己，再度迎戰英國時裝舞台。

她補充：「英國畀香港競爭大好多，我亦要喺心理上作出調節，始終都會有面試落敗，總之我會以平常心對待。」最終她不負眾望，除為品牌DAKS行騷外，更獲不少化妝與護膚品牌垂青，令她打了一支強心針。不過，她強調絕不會放棄香港市場：「除咗馬來西亞老家，香港就係第二個家，最多到時辛苦啲，兩邊飛！」

Angie今次赴英順道探望親友，公私兩忙。
  • Angie今次赴英順道探望親友，公私兩忙。