張曦雯熱舞透心涼

藝員朱晨麗、張曦雯、鄧佩儀、莊思明、樂瞳、岑杏賢和劉佩玥，前晚在將軍澳電視城為無綫台慶序幕綵排啦啦隊舞蹈，當中以朱晨麗及張曦雯跳得最有姿勢，樂瞳及岑杏賢卻跳得雞手鴨腳。

隱藏戰鬥格的張曦雯以透視裝暗露Tube Top，性感若隱若現，十分搶鏡。張曦雯受訪時透露在美國讀書時也是啦啦隊成員，今次要被拋起做出翻騰動作，有一定難度，她說：「以前係做下面支撐隊員，第一次要被拋起打空翻，但係都唔驚，我鍾意刺激，係驚自己唔識得量力而為，上個禮拜綵排後，背脊肌到依家都有啲痛，有少少受傷。」

眾無綫小花踢腿勤練啦啦隊舞蹈，十分落力。

有芭蕾底子的朱晨麗，會挑戰翻騰動作。

跳到肩痛

張曦雯排練時若隱若現露腰，問當晚舞衣是否很性感？她說：「會着啦啦隊衫露臍，好彩係着平底鞋，唔使着高踭鞋跳舞，但都要食少啲嚟準備，因為個個女仔都好fit。」

朱晨麗則有芭蕾舞底子，明顯快上手，她說：「啦啦隊有好多翻騰動作，因為頭一兩次綵排嚟唔到，監製都驚我跳唔到諗住換人，但係覺得一年一度台慶自己都堅持要跳。」她又指翻騰動作有一定危險性，講求與舞蹈員配合，稍有失手隨時頭部撞落地，練習後肩膀關節也感痠痛。朱晨麗希望舞衣不要太性感，否則要keep fit練腹肌及馬甲線。

文：影視組