Cara G. 爆囡囡有鋪咬癮

名模Cara G.昨日帶同8個月大的女兒India出席童鞋專門店開幕，大會送了一對小鞋子給India，India隨即把鞋子放入口咬，場面搞笑！Cara稱今次是首度帶女兒出活動，大讚表現不俗，完全不怕面對鏡頭，她笑稱：「我諗係因為老公好鍾意幫佢影相。（有潛質做模特兒？）可能，但老公應該唔想，我就想囡囡做醫生，不過做乜都冇所謂，隨佢鍾意。」
Cara首次帶同囡囡公開亮相，並謂不介意母女齊拍廣告。
Cara首次帶同囡囡公開亮相，並謂不介意母女齊拍廣告。

Cara指已有廣告商向女兒招手，但被她婉拒：「我唔想BB單獨做嘢，如果同我一齊就唔同。如果有嬰兒品牌嘅活動都可以帶埋囡囡。（酬勞高啲？）冇分別。哈，都應該要有分別喎！」談到India把鞋子放入口咬，Cara指女兒甚麼都咬：「有日我放佢喺地，我坐喺度睇電視，佢咬我腳趾，佢真係好瘋狂。」

大會送一對小鞋子給Cara囡囡India，她竟放入口咬。
  • 大會送一對小鞋子給Cara囡囡India，她竟放入口咬。