鍾嘉欣棄明投暗 人前「露底」
藝人鍾嘉欣、馬德鐘昨日帶領一眾無綫劇《飛虎II》演員以及歌手林欣彤、許廷鏗及胡鴻鈞等歌手出席慈善活動。談到新劇《飛虎II》，嘉欣坦言這次角色與以往形象大有不同：「我喺其他人面前比較斯文，今次我要將內心最黑暗一面show出嚟，先知每個人原來都有黑暗面，我就好似除晒衫，裏面嗰件都除埋咁表露人前，我都有啲驚自己。」
男友嗌嚇親
不過今次演出獲觀眾大讚，會否增添奪視后的信心？她表示：「新劇反應好好，好多人話好刺激，仲讚我有突破，唔同平常嘅我，不過啲獎就隨緣，今次畀我過到戲癮，將另一面嘅自己畀大家睇，但都希望有提名。（佘詩曼係勁敵？）佢係好好嘅學習榜樣，都想同佢一樣得到觀眾差唔多嘅認同。」問到男友伍允龍有否給予評價？她稱對方被自己演出嚇到。
獻唱籌13萬
至於馬德鐘直言希望與飛虎演員組「飛虎慈善隊」：「希望發揮到飛虎團結嘅精神，關心吓社會，今次都好開心可以一齊做手語打破健力士世界紀錄。」更表示日前參加慈善晚宴獻唱歌曲共籌得13萬，接下來都會進行探訪的工作，盼有更多機宣揚正能量。
文：音樂組