祥仔暗戰有信心唔恨爭帝
無綫台慶劇《名門暗戰》將為無綫迎戰香港電視開台，劇中演員黎耀祥、黃浩然、胡定欣、蕭正楠等昨日進行高爾夫球比賽為劇集造勢，祥仔對劇集信心爆棚；陳凱琳則奉獻「第一次」為無綫打仗。
藝員黎耀祥、黃浩然、胡定欣、蕭正楠、曹永廉、陳凱琳、蔡思貝等昨日到東涌比試高球，為台慶劇《名門暗戰》宣傳，並為無綫出戰，祥仔說：「唔係打仗，對套劇有信心，台前幕後都係《大太監》班底，套劇水準好高。（可有信心再攞視帝？）冇乜所謂，講真已經攞咗三屆，對自己已有交代，希望觀眾有好戲睇，都好耐冇呢啲豪門鬥爭戲，希望可以緩和吓近期嘅社會氣氛。」
凱琳思貝抗敵
胡定欣在劇中暗戀黃浩然，兩人更有連場激情戲，十分火辣。問黃浩然可擔心太太呷醋不許她看？他說：「唔會，大仔就唔睇得，上次喺《愛我請留言》見到我攬住其他女仔唔開心爆喊。」定欣則說：「佢老婆知道同我拍所以好放心。」又指劇中陣容勁，最緊要大家齊心；黃浩然也認為做好本分已足夠。而陳凱琳與蔡思貝對於一齊抗敵，陳凱琳說：「又冇咁諗，只係好期待。」又自爆拍攝時最難是拍喊戲，要靠眼藥水催淚，蔡思貝則認為毋須比較。
舞台劇新衝擊
此外，祥仔與蓋鳴暉（Joyce）下月8日於新光戲院大劇場演出由李居明出品、杜國威編劇的舞台劇《星海留痕》，日前他與Joyce、關寶慧等演員宣傳。祥仔自謙「舞台新人」，笑言要虛心學習。問是否做厭視帝，另尋挑戰？他謂：「唔係，每隔一段時間都想搵啲新衝擊，做演員冇話最高境界，舞台更加係另一個世界，今次嘅挑戰係要現場唱戲曲。」而蓋鳴暉則讚祥仔投入感很好，盡責及有操守。
文：影視組