難擋鎮宇魅力娜姐變花癡
周秀娜、官恩娜（Ella）、吳鎮宇及鄭中基（Ronald）等昨出席寰宇新片《惡人谷》開鏡，扮演村長的Ronald曬黑兼以「懷舊高腰褲Look」亮相，Ella則每天花上兩小時「扮醜」，搽黃牙齒兼滿口圍頭話念對白。娜姐與Ella在片中不約而同「鍾情」鎮宇，Ella一臉傻笑，大讚這位男神謂：「我有同佢打招呼，佢回咗我好多句hello，好nice呀，不過未有機會傾偈囉。」
客串一日的娜姐更不問片酬，只望能「集郵」成功：「我仲諗住嚟做『o靚坤嫂』……總之一大班人合作，好開心囉。」Ronald則透露已買定攝錄機陪太太入產房記錄「重要時刻」﹕「大女出生時因為航班延誤，未能陪太太入產房，今次點都會留喺香港。預產期喺明年2月，希望佢趕得切出嚟逗利是啦。（改名未？）中文名留番爺爺同公公幫手，我就負責英文名。」他稱暫未考慮要太太封肚，會否再生則隨緣。
