吳麗珠探司馬燕 落床識講笑
早前因患胃癌而接受胃部切除手術的藝人司馬燕（Michelle）近日再度入院接受治療，前藝人好友吳麗珠昨日下午五時許抵達養和醫院探望Michelle，吳麗珠表示：「佢依家主要食流質嘢，（佢係咪好瘦？） 佢不嬲都咁瘦 ，（佢囝囝有冇嚟陪媽咪？）有就番啲返學時間嚟陪佢，我噚晚嚟嗰陣都見細仔喺度。」她於醫院逗留約半小時，離開時透露：「佢好精神，（有冇打嗎啡止痛？）冇，不過佢有小腹痛，尿比較多，依家都有插喉，（佢老公同囝囝心情點？）不嬲都冇咩特別，佢老公喺病房陪住佢，（幾時可出院？）未知，佢依家行得走得食得同落到床，仲識講笑添。」
