官恩娜面癱激發挑戰難度

Ella代表香港出戰「軒尼詩炫音之樂2014」，可與偶像同場，感相當興奮。

歌手官恩娜（Ella）昨日為下月7日於亞洲國際博覽館舉辦的「軒尼詩炫音之樂2014」進行綵排，這次表演單位包括英國、韓國及台灣，讓她直呼期待：「今年入行10年，每次唱歌都會諗番初出道嗰陣，會好感觸，今次可以參與大騷都好期待，同埋我好鍾意A-Lin，所以有機會同台都好興奮。」

跳欄興奮到喊

Ella又透露屆時除了唱Cover歌外還會有Crossover，更對於可以有很多觀眾聽到自己唱歌感到高興：「10年嚟都試過起跌，依家仲有機會企喺大台唱歌，冇畀自己打敗，可以堅持到。」她笑指當初放棄的話或會當上運動員：「我學咗騎馬兩、三年，前幾日試過跳欄，雖然睇落好易，但實際控制得好係好難，跳到嗰陣好興奮到喊咗好耐。」她坦言放開自己挑戰跳欄的原因是受面癱影響，覺得要爭取想要的東西。

Ella與林奕匡等表演嘉賓，早前現身音樂會記招。

正密鑼緊鼓進行綵排的Ella，相當投入。

另外，Ella曾為一個電台節目製作主題曲，但近日傳出由她主唱的主題曲或將改為衞蘭（Janice）演唱，Ella直言並不知情：「係咩？我之前聽仲係我嗰首呀！（啲觀眾要求播番你個版本！）我覺得作到主題曲已經達到咗最高榮耀。（驚唔驚被取代？）唔會祈求太多啦，我都鍾意聽Janice唱歌。」

文：音樂組