清穗久美子鬼咁惹火 遭靈辱
萬聖節將至，名模Mandy Lieu公司旗下34D日模清穗久美子（Kumiko）入鄉隨俗扮鬼湊熱鬧，化身成日本艷鬼的她雖滿面鮮血，但不及三吋事業線搶鏡，驚嚇不足，性感搭夠「鬼」咁惹火。
胸大膽細的Kumiko自爆撞鬼經歷：「有次我同兩個朋友去深圳按摩，間房有三張床，每次我都習慣瞓最埋邊嗰張床，當日入到房，我已經覺得最埋邊張床有啲怪，但我都冇出聲照瞓。按摩完後，我兩個朋友走咗，得我留喺按摩店過夜，瞓到半夜我見到有個影走過嚟壓喺我身上，我全身郁唔到，個心不斷同佢講，我唔係中國人，我唔識中文，我幫你唔到，我仲話我唔會再霸住呢張床，後來我終於郁得，於是我就移咗去另一張床繼續瞓。」
唔識中文冇轉房
問為何不要求轉房﹖Kumiko無奈地說：「當時係凌晨三點，而且我唔識中文，根本唔知點同按摩店嘅人解釋。」
Kumiko指日本不流行慶祝萬聖節，反而有近似中國的鬼節。她謂：「日本人相信死去嘅親友會喺每年嘅八月中返嚟，所以呢段時期唔可以殺死昆蟲同動物，因為死去嘅親友有可能附喺昆蟲同動物身上。」雖然在港居住多年，但Kumiko只去過一次蘭桂坊慶祝萬聖節，由於人流太多，令她大叫怕怕。
髮型﹕Chris Chan@Leighton Aveda
化妝﹕Coco Lee@Leighton Aveda
文：名人組