張致恒拖女友捧場好free
前晚是張敬軒個唱的尾場演出，吸引大批圈中朋友捧場，包括有周柏豪、胡定欣、胡杏兒、黃智雯、單立文、胡蓓蔚、洪卓立及女友湯怡、衛詩雅、洪杰及許靖韻等，而大前晚張致恒（Steven）則帶同模特兒女友莊端兒現身，是被本報獨家踢爆拍拖後，首度以情侶身份出席公開場合，完騷後他更帶女友入後台和軒仔來個開心合照。
昨日Steven接受電話訪問時，大讚軒仔的演唱會是繼陳奕迅後，令他睇到打冷震及想喊的個唱：「好好睇，好精彩，雖然軒仔跳舞唔係咁叻，但見到佢好努力去跳，其實就算佢唔跳舞，都可以帶出氣氛，好帶出舞台劇嘅感覺。」談到是公開戀情後帶女友亮相？他坦言：「感覺好free，唔使好似以前咁偷偷摸摸，亦冇人阻止，呢個感覺係我入行以來一直追求嘅。」他又謂開心朋友們都鍾意其女友，望跟莊端兒能長長久久。
而洪卓立接受電話訪問時表示，軒仔的每個環節都好睇，而他與三位嘉賓王菀之、關淑怡及譚玉瑛的互動更帶給他大驚喜，他說：「軒仔同王菀之唱得好勁，我又估唔到軒仔可以同關淑怡咁親密啦，譚玉瑛嗰part就畀我好大嘅反思。」