Gin Lee恨拍拖呻無港男追

創作歌手AGA早前發表的新歌《一》大獲好評之外，更獲得不少樂壇前輩點名力讚！於是AGA乘勝追擊推出合唱版本《一加一》，全新的編曲，再找來實力相當的Gin Lee合唱，激發不少火花！日前二人接受《東網》的《娛樂onShow》訪問，向主持人俞詠文（Angela）大爆合作過程如何火花四濺，各不相讓！

不理AGA感受

女女合唱對於女歌手來說本是一大挑戰，尤其今次的曲目本身《一》是AGA的獨唱作品，於是主持人Angela便好奇Gin如何做到不會喧賓奪主之餘，又能凸顯自己特色。Gin笑言自己在錄音時沒有理會過AGA的感受，不過AGA補充說：「其實我哋係分開唔同時間錄，而且喺一開始，Gin錄嘅時候本來係打算用番原本嘅版本，之後再頭頭尾尾咁有少少修改。但後來有咗新嘅編曲之後，我就冇辦法用原音。」Gin亦表示：「重新編曲之後，我係比AGA唱先，所以就冇時間去顧及佢嘅版本。」

Gin Lee和AGA向Angela大爆合作火花。

Gin Lee（左）自認錄音時不理AGA感受。

渴求愛情

近期以孖公仔形象出現的AGA和Gin Lee坦言之前不太熟絡，但經過今次合作一拍即合，無論音樂品味、個性還是愛情觀。AGA覺得《一加一》這首歌是她倆的心聲：「首歌係講我哋喺生命中，其實好難搵到自己嘅『唯一』。」而現實中二人亦表示要找到生命中的「唯一」的確不易。尤其隻身一人在港發展的Gin更明言自己渴求愛情，奈何還未遇上：「我都想有，但依家真係冇！所以我養咗兩隻貓陪我，我發現養咗寵物之後好好多，因為我之前真係好自閉，依家有唔開心就會同佢哋講。」但如果想知道兩位女神的擇偶條件又如何？Gin Lee為何懂得落降頭？請快收看《娛樂onShow》！

文：專案組