譚詠怡美腿任（目及）
女子組合「冬甩」師妹譚詠怡（Victoria）自嘲是宅女，性格文靜，雖然有不俗身段，但少到沙灘show off，她表示之前為了陪朋友去船P，才開始性感大解放，她亦話自己甚少玩水上活動，亦不喜歡曬太陽！
今次難得來到沙灘吹波波，她覺得非常害羞，但表示：「好開心入秋前影到呢輯咁靚嘅比堅尼相，不過我平時好少去玩水，多數睇吓書，唱吓歌或者睇吓戲！不過今日嚟到呢度吹波波，可能都有助我練氣，唱歌都唱得勁啲！」
全裸冇問題
問到點先可以着靚套三點式泳衣，她指：「要着bikini着得靚，護膚真係好緊要！我最滿意就係自己對腳，啲朋友都好羨慕我有對美腿，有時出街都會有好多人對你行注目禮，但我唔會太介意，因為我覺得係一種欣賞，而且你騷得腿，就應該預咗畀人望o架啦！我對保養對腳都好有心得，成日做摩沙去死皮去角質！」至於性感底線，Victoria坦言：「其實只要係靚，全裸都冇問題！」
感情方面，Victoria就話自己好認真，並說：「太靚仔驚會花心，所以都係幻想下，現實中我都係會揀番顧家嘅男人，所以成日都話現實同理想係好大距離！」
Profile
譚詠怡（Victoria）
身高：168cm
三圍：34B，25，35
文：專案組