徐子珊為情崩潰 監製讚好

徐子珊於劇集《再戰明天》再接受挑戰演紀律部隊，為掩飾經歷巨大創傷後的內心恐懼，加上劇中與吳啟華年齡相距18年的戀情，子珊於造型和角色刻劃上花盡心思，除了戴冬菇頭假髮，服飾也挑選年輕一點，連說話也特別作出調校，務求說服到觀眾。

談到與楊詩敏（蝦頭）一段囚犯與懲教人員的友情，卻被誤會為愛情，最終令對方結束生命，另方面與啟華的戀情亦模稜兩可，令子珊內心積聚多時的壓力一次過爆發，更一時想不通自殺，她謂：「因為蝦頭件事我覺得好似係自己一手造成，再加上種種問題，嗰種爆發係好勁，崩潰得好犀利，所以拍嘅時候都要醞釀情緒，好想一次過OK，但要多角度拍攝，都喊成晚o架，好在出嚟效果唔錯。」

徐子珊獲讚在新劇中演得出色，有力問鼎視后。

在《再戰明天》中，飾演女懲教員的子珊背負沉重陰影，甚考演技，左為吳啟華。

現實中絕不自殺

談到劇中為情自殺，子珊坦言現實生活中絕對不會，她謂：「兩個人唔可以一齊實有原因，就算自殺都解決唔到問題，相反令對方有壓力，最終死同唔死感覺都唔好受，何必呢！（咁受情傷會點？）要時間接受o架，我會容許自己大喊幾日，釋放負能量先。」該劇不乏內心戲，子珊更被監製大讚演得有質感，絕對有實力衝擊視后，不過子珊未有想太多：「獎項呢樣嘢人人都想有，但成日諗住會好攰。我又唔會為獎項去揀劇拍，總之每次都會盡力演好佢，當然監製咁講好開心，畀好多機會我，好似之前《雷霆掃毒》咁，亦都多謝編審，創造個咁特別角色畀我，所以盡力而為啦。」

文：影視組

攝影：劉斌

化妝：Raymond Yip

髮型：Maggie Law

服裝：N12h