姜紫藍逢女必影
熱愛創作的藝人姜紫藍（Color）日前參與自己有份演出攝影作品的慈善攝影展，首次入圍攝影展的Color，透露今次有兩份作品入圍，令她既緊張又興奮，她說：「第一次有自己嘅作品入到圍，呢個對於我嚟講係一個好大嘅肯定，我仲瞓唔着添。」
Color兩份作品分別講述一個患病女孩及在台灣隨意拍照的少女，問到她最愛哪幅作品？她說：「我自己比較鍾意幫患病嘅女仔影相，表達出佢係一個堅強嘅女仔。（點識到呢個女仔？）我之前做幕前，識好多靚女同模特兒，我對有歷練嘅女仔特別有興趣，所以就約佢影相。」Color坦言日後會繼續參加攝影比賽，訓練自己的實力，她說：「今次係打咗支強心針，因為攝影師會慣咗影一個風格，但今次我有兩張唔同風格嘅作品都入咗圍，真係好開心。」