鍾采羲自爆搶手多人追
身材火辣的鍾采羲（Iris）和羅子喬（Bella）在電影《唐伯虎衝上雲霄》中齊齊「封胸」做古人，以為今次可以風花雪月浪漫一場，但無奈對手太搞笑，二人大嘆零感覺！將螢幕初吻獻給肥仔聰的Iris更言，如果有得揀她情願同張栢芝熱吻！
在電影中飾演丫嬛的鍾采羲（Iris）和羅子喬（Bella）雖然穿上保守的服飾，但二人在戲中的感情戲卻毫不保留，Bella與Dominic在柴房偷情，上演乾柴烈火的戲碼。另一邊廂，同肥仔聰咀足30次的Iris卻大叫無奈：「杜生（杜汶澤）喺我哋拍嘅時候，攞咗佢部私家相機放喺我哋面前等我哋錫！我覺得佢哋成班人真係好開心囉！」如果螢幕初吻可以自己選擇，Iris毫不猶豫地揀張栢芝：「點解螢幕初吻一定要畀男仔，點解唔可以畀女仔呢？如果畀我揀，我會選擇偶像張栢芝！」
性感不露點
擁有驕人身材及姣好面容的Iris和Bella，她們在電影中性感的演出往往是錦上添花。然而她們明白性感只是一種表演，不能以此作賣點。Bella說：「如果有好嘅劇本，而劇情又需要的話，我覺得性感唔係一個大問題，只要唔好露點就ok！」自言桃花不斷的Iris亦表示身處在娛樂圈，做任何一個選擇都必須謹慎，尤其男女關係：「一直都有好多人追，但就要考慮清楚，唔好以為花花世界咩都可以玩玩吓。所以依家就想睇清楚啲先決定，唔想影響工作！」
場地：Popcorn Production
化妝：Chi Chi Li （Iris）/Louisa Wong （Bella）
髮型：Kenny Leung@The Luxe By Private i （Iris）/Louisa Wong （Bella）
服裝：miss selfridge@i.t.
文：專案組
攝：嚴偉國