娜姐要向施多夫集郵
性感女神周秀娜今日將飛往海口出席「2014觀瀾湖世界明星賽」，為見「美國隊長」基斯伊雲斯（Chris Evans）和荷蘭足球名宿施多夫（Seedorf），日前娜姐已揀定戰衣和首飾出征！
談到有機會與施多夫碰面，娜姐表示「細細個已聽過呢個名」：「不嬲有睇開波，施多夫係荷蘭全能中場，真係好犀利，真係好希望可以同佢合照同攞簽名。（會否跟前英格蘭國腳里奧費迪南一樣，搵施多夫合作搞生意？）唔敢啦！第一次見驚嚇親佢。」
談到打高爾夫球，娜姐自嘲球技「屎」，不敢參加比賽：「都係練多幾年先參加啦，我自己都打唔到小鳥（比標準桿少一桿），打忿怒鳥就得，因為實畀人噓。」