Barbie胸大膽小 縮沙廁嚇

左起：Connie、思琳及天欣在濕臭坐廁中「尋寶」，氣氛惡心。

最近升胸H Cup的「寸嘴Barbie」夏尉喻、文凱玲、石天欣及郭思琳日前到海洋公園玩哈囉喂鬼屋，臨入最驚嚇的「H14」鬼屋前，最細膽的Barbie率先投降，結果由Connie、天欣及思琳三人換上消毒衣試玩，先後在蟲堆、濕臭廁格及血腥屍體中找出鎖匙，嬌小的天欣表現最勇，思琳亦無懼沙蟲伸手搵鎖匙，Connie則被嚇得乸口乸面！其後她們轉玩驚嚇度較低的「東瀛魔界遊」，與各類日式鬼怪合照，Barbie更巧遇日本美人魚。

石天欣唔驚鬼

事後Connie表示闖「H14」鬼屋時嚇到腳軟，問到會否相約男仔壯膽？她笑說：「唔好！我會驚到係咁捉住佢，冇晒儀態！」較大膽的思琳自認死穴是怕黑，怕蟲的天欣大讚今年鬼屋設計豐富，驚嚇度夠高！甚少玩鬼屋的Barbie則笑言怕玩後會發噩夢：「好怕突然有嘢飛出來！所以從來唔參加萬聖節活動。（搵男仔陪？）搵天欣啦！佢咁大膽，外號『石破天欣』，鬼都驚咗佢！」

自認細膽的Barbie只敢行驚嚇度一般的東瀛鬼屋，並與日本美人魚興奮合照。

三女勇闖H14鬼屋，更要在蟲堆中搜索鎖匙！

文：影視組

場地：海洋公園