黎燕珊與楊思琦昨日為有線節目《往事‧並不如煙》披婚紗宣傳，珊姐更佩戴總值超過三百萬的鑽石首飾，非常耀眼，但否認是男友所送：「我都期待緊我個感情白武士。」
而思琦妹的婚紗則大露背，她受訪時稱無正式着過婚紗：「拍劇時有着過，但現實中未着過，依家着都覺得好幸福，（好恨着？）又唔係話好渴望。」不過，思琦妹則大爆目前不乏追求者，更用昆蟲來形容：「係狂蜂浪蝶。（有發展機會？）我又冇刻意去諗，唔通人哋關心我，我又諗佢係咪對我有意思咩？（男朋友條件？）要接受我同埋我嘅小朋友。」
