宋承憲裸出勇氣 抓拍港片

韓國型男宋承憲、歌手吳雨霏（Kary）、吳千語、名模周汶錡等昨晚出席「VERSACE香港旗艦店開幕」，吸引約二百途人與紛絲圍觀。憲哥一直保持笑容由兩名貼身保鏢護送下進場，親民的他更與fans握手及熱情揮手，冧暈fans。

想拍成龍鞏俐

憲哥前日傍晚抵港時，在機場看到香港熱情的粉絲是否很開心？他即說已有一年沒有來港，見到粉絲一刻覺得好開心及感動。他亦透露在上海拍攝電影《第三種愛情》與女星劉亦菲及導演合作愉快，希望可以在大陸及香港發展：「我睇港產片長大，想同成龍、鞏俐合作，好多都想合作，希望有好劇本可以合作。」他在電影《人間中毒》中近乎全裸演出，會否有更大突破？憲哥說：「我係專業演員，唔會話因為角色而拒絕接呢啲戲，如果有機會需要再突破都可以消化到。」

吳雨霏承認與舊男友洪立熙翻撻成功。

宋承憲與品牌行政總裁Gian Giacomo Ferraris祝酒。

吳千語等驚喜

同場的Kary被問到有傳她翻撻前男友網球王子洪立熙一事，她暗示二人已翻撻，兼視對方為結婚對象：「我自己開始返教會，佢又係同一個教會，順其自然發展。（經過離離合合，係咪視對方為結婚目標？）係，大家都好認真，自己都ready，知道今次係緣分。（閃婚？）都會計劃吓，我爹哋媽咪好鍾意佢，我開心之餘，身邊人都戥我好開心。」此外，Kary不回應余文樂與她分手是因為忘不了黃伊汶的傳聞。

周汶錡盛裝亮相。

吳千語扮靚出席開幕派對。

吳千語則透露27日21歲生日，會在港慶祝，期待男朋友林峯送驚喜。

文：名人組